عارفانہ کلام حمد نعت منقبت
خدائے لا شریک و مصطفیٰؐ پہ شاعری لکھی
علیؑ حسنؑ حسینؑ و فاطمہؑ پہ شاعری لکھی
یہ موضوعات سنیوں میں کم بیاں ہوئے جبھی
مباہلہ غدیرِ خُم کساء پہ شاعری لکھی
وفا شجاع عزم حق شہادتوں کی بات تھی
تو میں نے واقعۂ کربلا پہ شاعری لکھی
تجھے نبیؐ کی آل کا نہیں ذرا بھی غم کوئی
جو تُو نے صرف حُسن گُل صبا پہ شاعری لکھی
فضیلتوں میں اہلِ بیت سے نہیں سوا کوئی
عقیدۂ مؤدتِ علا پہ شاعری لکھی
غلامِ مرتضیٰؑ کی اور کنیزِ فاطمہؑ کی شان
بتائی سب کو قنبر و فضہ پہ شاعری لکھی
قریشی تیرے اس عمل پہ راضی تجھ سے ہو خدا
کہ تُو نے اہلِ بیتِ مصطفیٰؐ پہ شاعری لکھی
اکرام رشید قریشی
No comments:
Post a Comment