فنکار خود نہ تهی، مرے فن کی شریک تھی
وه روح كے سفر میں بدن کی شریک تھی
اترا تھا جس پہ بابِ حيا كا ورق ورق
بستر كے ایک ایک شِکن کی شریک تھی
میں اک اعتبار سے آتش پرست تھا
وه نازشِ ستاره و طنّازِ ماہتاب
گردش کے وقت میرے گہن کی شریک تھی
وه ہم جليسِ سانحۂ زحمتِ نشاط
آسائشِ صلیب و رسن کی شریک تھی
ناقابلِ بیان اندھیرے کے باوجود
میری دعائے صبحِ وطن کی شریک تھی
دنیا میں اک سال کی مدت کا قُرب تھا
دل میں کئی ہزار قرن کی شریک تھی
مصطفیٰ زیدی
No comments:
Post a Comment