چلا ہے آج سفینہ مرا بسم اللہ

عارفانہ کلام نعتیہ کلام

چلا ہے آج سفینہ مِرا بسم اللہ

نبیؐ کے شہر مدینہ مِرا بسم اللہ

امیر کتنا میں ہوں بن گیا دنیا میں

ہے نعت کا یہ خزینہ مِرا بسم اللہ

فضا میں طیبہ کی پھیلی عجب یہ خوشبو

مہک رہا ہے پسینہ مِرا بسم اللہ

ہوئی ہے موتیوں سے جگمگاتی اپنی

یہ زندگی بھی نگینہ مِرا بسم اللہ

مِرے تو دل کی تمنا یہی طیبہ ہے

ہو بس یہیں پہ دفینہ مِرا بسم اللہ

نبیؐ کی نعت تو معصوم خواہش اپنی

یہی ہے مرنا بھی جینا مِرا بسم اللہ

معصوم صابری