لپٹا ہوا ہے نور میں دیوان مصطفیٰ

عارفانہ کلام نعتیہ کلام

لپٹا ہوا ہے نور میں دیوانِ مصطفیٰﷺ

جس کے ہر ایک حرف میں ہے شانِ مصطفیٰﷺ

رحمت عزیز شعر کے قالب میں ڈھال کر

ہم کو دکھا رہے ہیں گلستانِ مصطفیٰﷺ

ہر اک ورق پہ دیکھیۓ رکھا ہوا ہے یوں

آنکھوں سے چوم چوم کر سامانِ مصطفیٰﷺ

ہر سمت ہے ہجوم زیارت کے واسطے

چاروں طرف ہے آمدِ اعلانِ مصطفیٰﷺ

دیکھو کہ ہر قطار میں خوشیاں لیے ہوئے

باندھے کھڑے ہیں ہاتھ غلامانِ مصطفیٰﷺ

تشریف لا رہے ہیں جہانوں کے شہنشاہ

دل ہو رہے ہیں دیکھیے قربانِ مصطفیٰﷺ

فرحتؔ کرم خدا کا ہو رحمت عزیز پر

جن کے کلام میں ہے شبستانِ مصطفیٰﷺ

فرزانہ فرحت