مِرے خدا مجھے اتنا تو معتبر کر دے
میں جس مکان میں رہتا ہوں اسکو گھر کر دے
یہ روشنی کے تعاقب میں بھاگتا ہوا دن
جو تھک گیا ہے تو اب اسکو مختصر کر دے
میں زندگی کی دعا مانگنے لگا ہوں بہت
ستارۂ سحری ڈوبنے کو آیا ہے
ذرا کوئی مِرے سورج کو باخبر کر دے
قبیلہ وار کمانیں کڑکنے والی ہیں
مِرے لہو کی گواہی مجھے نڈر کر دے
میں اپنے خواب سے کٹ کر جیوں تو میرا خدا
اجاڑ دے مِری مٹی کو در بدر کر دے
مِری زمین، مِرا آخری حوالہ ہے
سو میں رہوں نہ رہوں اس کو بارور کر دے
افتخار عارف
No comments:
Post a Comment