تو رہ نورد شوق ہے منزل نہ کر قبول

سلطان ٹیپو کی وصیت

تُو رہ نوردِ شوق ہے منزل نہ کر قبول

لیلیٰ بھی ہم نشیں ہو تو محمل نہ کر قبول

اے جوئے آب بڑھ کے ہو دریائے تند و تیز 

ساحل تجھے عطا ہو تو ساحل نہ کر قبول

کھویا نہ جا صنم کدۂ کائنات میں 

محفل گداز! گرمئ محفل نہ کر قبول

صبح ازل یہ مجھ سے کہا جبرائیل نے 

جو عقل کا غلام ہو، وہ دل نہ کر قبول

باطل دوئی پسند ہے، حق لا شریک ہے 

شرکت میانہ حق و باطل نہ کر قبول

علامہ محمد اقبال

ضرب کلیم