ایسی برسات میں آئے گا کہاں سے ساجن
چڑھتے دریا میں سرِ شام بہا دے درپن
دشت و صحرا میں بھٹکتے ہوئے گزرا بچپن
میرے ہاتھوں کی لکیروں میں نہیں تھا دھن ون
گھر کی دیوار پہ بیٹھے ہیں پرندے چپ چاپ
کتنا سونا ہے تیری یاد میں میرا آنگن
کبھی تنہائی میں آ کر جو ملے گا مجھ سے
میری سانسوں میں سما جائے گی دھڑکن
ہم کو محسوس ہوا قید کے عالم میں یہی
رات کے پچھلے پہر جیسے بجا ہو کنگن
میں نے دروازہ ملاقات کا رکھا تھا کھلا
آہٹیں دے نہ سکا پیار کا کوئی ساون
شہر کی بھیڑ میں گم ہو گیا رفتہ رفتہ
چھوڑ کر مجھ کو کڑی دھوپ میں میرا دشمن
تیری نا سمجھی نے لُوٹا ہے تجھے کیا معلوم
تاش کے کھیل میں پتے ہیں برابر باون
تیرے جذبات میں کچھ ایسی کشش ہے مسعود
تُو ہے جذبات کی دنیا کا یقیناً نیوٹن
مسعود جعفری
No comments:
Post a Comment