تجھے مانگنے کی ہے آرزو مرے ہونٹوں پہ یہ دعا رہے

 تجھے مانگنے کی ہے آرزو مِرے ہونٹوں پہ یہ دعا رہے

تُو مِرا رہے، تُو مِرا رہے، تُو مِرا رہے، تُو مِرا رہے

تُو مہک ہے کھلتے گلاب کی، تُو ہے یاد عہدِ شباب کی

تُو ہی روشنی ہے شہاب کی، تِرا حسن مثلِ صبا رہے

کوئی بھیگی بھیگی سی رات ہو، تِرے ہاتھ میں مِرا ہاتھ ہو

مِرے لب پہ ایک ہی بات ہو، تِرا میرا ساتھ سدا رہے

تِری آنکھ کی سھبی مستیاں، تِری ہر ادا کی یہ شوخیاں

ہیں یہ رنگ و روپ کی بجلیاں، یہ جمال و حسن مِرا رہے

تِری خوشبوئیں در و بام میں، مِری صبح میں، مِری شام میں

تِرا ذکر ہو مِری سانس میں، مِرا دل تِرا ہے تِرا رہے

تِری قربتیں بھی مثال ہیں، تِری دوریاں بھی وصال ہیں

یہ جو رنگِ ہجر و وصال ہے، تِری چاہتوں پہ سدا رہے

تِرا وصل ہے مِری زندگی، تِری یاد ہے مِری بندگی

تِرے پیار میں بھی ہے ساحری کہ تُو گل نہ مجھ سے جدا رہے

گل رابیل