میں رنگ برنگی مورنی، مِرے پنکھ بہت ممتاز
مِرا رقص انوکھا رقص ہے مجھے اپنے آپ پہ ناز
میں سبز رُتوں کی رازداں میں پت جھڑ کی ہمدرد
میں اپنی آپ مثال ہوں، میرا ایک جدا انداز
میں دھانی شام کا روپ بھی، میں صبح کی کومل دھوپ
مجھے دیکھ کے کوئل گائے تو ہر پات بجائے ساز
میں مست الست فقیرنی ناچوں گی تِرے دوار
میری چھتری بن جا سائیاں مجھے اپنا عشق نواز
میں وارث شاہ کی ہیر ہوں، میرے روپ ہیں ایک ہزار
میرا نام شمامہ افق ہے، مہکاروں کی آواز
شمامہ افق
No comments:
Post a Comment