جب میرے پاس اُداسی منانے کے لیے کوئی تہوار نہیں تھا
تب میں نے یاد کیا
وہ ایک بوسہ
جو میرے ناکام ہونے پر میری ماں نے مجھے دیا تھا
جب مجھے چُومنے کے لیے
میرے پاس میری ماں نہیں تھی
تب میں تنہائی کا مطلب سمجھا
جب میں تنہا تھا
اور میرے پاس زندہ رہنے کے لیے
کوئی حادثہ نہیں تھا
اس وقت میرے پاس تُم تھی
اب میرے پاس سب کچھ ہے مگر تم نہیں ہو
یقیناً یہ ایک حادثہ کافی ہے
اُداسی منانے کے لیے
تنہا جینے کے لیے
اور زندہ رہنے کے لیے
ولید سورانی
No comments:
Post a Comment