گو رات مِری صبح کی محرم تو نہیں ہے
سورج سے تِرا رنگِ حِنا کم تو نہیں ہے
کچھ زخم ہی کھائیں چلو کچھ گُل ہی کھِلائیں
ہر چند بہاراں کا یہ موسم تو نہیں ہے
چاہے وہ کسی کا ہو لہُو دامنِ گُل پر
اتنی بھی ہمیں بندشِ غم کب تھی گوارا
پردے میں تِری کاکُلِ پُر خم تو نہیں ہے
اب کارگہِ دہر میں لگتا ہے بہت دل
اے دوست! کہیں یہ بھی تِرا غم تو نہیں ہے
صحرا میں بگولا بھی، مجروحؔ صبا بھی
ہم سا کوئی آوارۂ عالم تو نہیں ہے
مجروح سلطانپوری
No comments:
Post a Comment