بادل برسے کالے کالے بارش آئی
دوڑ رہے ہیں ندی نالے بارش آئی
تالابوں میں پنکھ پکھیرو دیکھیں روپ
دھرتی اوڑھے شال دُشالے بارش آئی
پھول کھلیں گے پھل لٹکیں گے ڈالوں ڈال
جنگل جنگل جادو ڈالے بارش آئی
ٹپ ٹپ کل کل جھر جھر رم جھم ہوتی ہے
شور مچاتے ہیں پرنالے بارش آئی
کھیتوں کو سیراب کرے ہے امرت جل
پگڈنڈی کو روپ اُجالے بارش آئی
آہا آہا! کیسا اچھا موسم ہے
بھیگ رہے ہیں بچے بالے بارش آئی
حیدر بیابانی
No comments:
Post a Comment