ممکن ہو تو ناچے پہن کے پائل ریت
اتنے بادل دیکھ کے ہو گئی پاگل ریت
بن میں پہلے وحشت زندہ رہتی تھی
مانگ رہا ہے صحرا سے اب جنگل ریت
سارا پانی پی جاتی ہے، بے بس ہے
بس میں ہوتا تو بن جاتی چھاگل ریت
٭اثمد سے محروم ہیں آنکھیں ماں کے بعد
بن جاتی ہے آنکھ کے واسطے کاجل ریت
پہلے بھی تو ریت کے پاس سے آئے ہیں
ڈھونڈ رہے ہیں آخر پھر کیوں بادل ریت
ریگستان میں ریت اکیلی رہتی ہے
ہائے خدایا! وحشت ماری گھائل ریت
احسن خلیل
٭اثمد؛ سیاہ سرمے کا خام پتھر جسے پیس کر سرمہ تیار کیا جاتا ہے
No comments:
Post a Comment