میرے مرشد ہو پیشوا ہو تم

 میرے مرشد ہو پیشوا ہو تم

میری صورت میں مدعا ہو تم

ڈھونڈے پاتا نہیں تمہیں ہر شخص

پر سبھوں میں خلا ملا ہو تم

معنئ مصطفیٰﷺ تمہیں تو ہو

کاشفِ سر لا مکاں ہو تم

جاں بھی ہو دل ہو جنبش اعضا

بود ہو کل مِری بقا ہو تم

جب تمہیں تم ہو ہر ادا میری

پھر بھلا مجھ سے کب جدا ہو تم

ہر جگہ جب تمہیں ہو غیر نہیں

دونوں عالم میں برملا ہو تم

شاہ مردان صفی سے سن لو صاف

جس کو تھے ڈھونڈتے دلا ہو تم

مردان صفی