دل جلاتی رہی رات بھر چاندنی
آزماتی رہی رات بھر چاندنی
کان میں جانے سورج نے کیا کہہ دیا
تِلملاتی رہی رات بھر چاندنی
رات کھڑکی کھلی رہ گئی تھی کوئی
اور ستاتی رہی رات بھر چاندنی
رقص کرتی ہوائیں تھیں دالان میں
گُنگناتی رہی رات بھر چاندنی
سامنے چھت پہ سایہ سا تھا، کون تھا
کچھ دِکھاتی رہی رات بھر چاندنی
ایک خواہش جو دل میں تھی جاگی حرا
پھر سُلاتی رہی رات بھر چاندنی
حرا رانا
No comments:
Post a Comment