عارفانہ کلام نعتیہ کلام
سن لیا چشمِ تر کی نمی کے سبب
ہو گیا سب عطا اس غنی کے سبب
آرزو ہے کسے مال و زر کی یہاں
سب میسر ہے عشقِ نبیؐ کے سبب
مل رہا ہے مجھے تو طلب سے سوا
کچھ بھی حاجت نہیں ہے سخی کے سبب
رحمتیں ہیں تِری رحمتوں کے طفیل
روشنی ہے تِری روشنی کے سبب
مجھ کو بھی اذن ہو حاضری کا حضور
آرزوؤں کی خاطر، سعی کے سبب
خود بخود آ رہے ہیں مضامینِ نعت
آپؐ سے میری وابستگی کے سبب
اپنی بخشش کا امکاں قوی ہے مجھے
مرتضیٰ مدحتِ سیدی کے سبب
مرتضیٰ اشعر
No comments:
Post a Comment