لوگ پوچھ لیتے ہیں زندگی کے بارے میں
کیا کہے کوئی شاہد اب کسی کے بارے میں
آج کل زمانے میں کیا کبھی یہ سوچا ہے
آدمی کیا کہتا ہے، آدمی کے بارے میں
رات کو اندھیرا جب ہر گلی میں چھائے گا
گفتگو کریں گے ہم روشنی کے بارے میں
قیمتی کئی زیور آپ اس نے پہنے تھے
جب بیان تھا اس کا سادگی کے بارے میں
بعد میں خبر آئی؛۔ لوگ تو وہ پاگل تھے
بات کر رہے تھے جو آگہی کے بارے میں
شاہد رحمان
No comments:
Post a Comment