عارفانہ کلام حمد نعت منقبت
آپﷺ سرکار ہیں تخلیق دو عالم کا سبب
آپ کو دیکھ کے سیکھا ہے فرشتوں نے ادب
آپ کا علم کتابوں میں کتب خانوں میں
آپ پر جاں میری قربان میرے امی لقب
آپ سرکارﷺ ہیں تخلیق دو عالم کا سبب
آپ کو دیکھ کر سیکھا ہے فرشتوں نے ادب
بکریاں تھے جو چراتے انہیں عزت بخشی
اونٹ کے پالنے والوں کو حکومت بخشی
کاروانِ رہِ عالم کی قیادت بخشی
رنگ اور نسل کے مٹ گئے سب نام و نسب
آپﷺ سرکار ہیں تخلیق دو عالم کا سبب
آپ کو دیکھ کر سیکھا ہے فرشتوں نے ادب
فاقہ مستی کے عوض وقت کے سلطان ہوۓ
تیرے در کے گدا فاتحِ ایران ہوۓ
آپ کے حجرے کے جبریل بھی دربان ہوۓ
آپ سرکار انور کو بھی بلا لیجئے اب
آپﷺ سرکار ہیں تخلیقِ دو عالم کا سبب
آپ کو دیکھ کر سیکھا ہے فرشتوں نے ادب
انور جلال پوری
No comments:
Post a Comment