اس دشت وفا میں ترے آلام ہے کیسا

 اِس دشتِ وفا میں تِرے آلام ہے کیسا

مسند سرِ مقتل ہو تو آرام ہے کیسا؟

جب خود ہی محبت کے بھرم توڑ دئیے تھے

پھر اُن کی نگاہوں میں یہ پیغام ہے کیسا

رکھ کر سرِ نیزہ مِرا سَر پوچھ رہے ہیں

اِس شہرِ غریباں میں یہ ہنگام ہے کیسا

سادہ ہے تِری یاد سے یہ تختئ دل بھی

ہر دم یہ زباں پر مِری اک نام ہے کیسا

ہے میرے سخن میں تِرے انداز کی خوشبو

ہم پر یہ انؔیس اِک نیا الزام ہے کیسا

انیس فاروقی