عارفانہ کلام حمد نعت مقبت
یا رب مِری قسمت میں ہو سرخابِ مدینہ
دے تشنہ زمینوں کو خنک آبِ مدینہ
برسے لبِ اظہار پہ توصیف کا ریشم
اور چرخِ ثناء پر رہے مہتابِ مدینہ
وہؐ صرفِ نظر کرتے ہیں ہر میری خطا سے
سجدوں کا بھرم رکھتی ہے محرابِ مدینہ
پوشاکِ قلم حشر کے دن بھی ہو جدا سی
سرکارؐ ملے اطلس و کمخوابِ مدینہ
کس رقصِ مسلسل میں ہیں طیبہ کی ہوائیں
کس کیفِ مسلسل میں ہیں اربابِ مدینہ
اب کے بھی برس چمکے مقدر کا ستارا
اب کے بھی برس پیدا ہوں اسبابِ مدینہ
کھو جاؤں کھجوروں کے گھنے پیڑوں میں آقاؐ
کشتی بھی کسی روز ہو غرقابِ مدینہ
چوموں گا میں ہر نقشِ کفِ پائے محمدﷺ
لے جائے بہا کر مجھے سیلابِ مدینہ
اک دھند سی چھائی ہے مری آنکھوں کے آگے
کھولوں گا ریاض آج ہی ابوابِ مدینہ
ریاض حسین چودھری
No comments:
Post a Comment