بروز حشر مِرا احتساب کیا ہو گا
کہ اس زمیں کے سوا اور عذاب کیا ہو گا
مدام فکر میں بے عقل کا تسلسل کار
کتاب زیست کا آئندہ باب کیا ہو گا
جواں دلوں میں فقط نفرتیں ہی ملتی ہیں
زیادہ اس سے کوئی انقلاب کیا ہو گا
عطا کیا مہ کامل کو عشرتوں کا غرور
اندھیری رات سے بڑھ کر عذاب کیا ہو گا
طلسم کیف و نظر مدعائے بے خبری
طلسم ہوش و خرد کا نصاب کیا ہو گا
گناہگار نظر بھی ہے دل کی دھڑکن بھی
وہ پوچھ لیں گے تو میرا جواب کیا ہو گا
بہ فیض جرأت رندانہ دیکھنا تو انیس
ادا شناسوں کا تجھ پر عتاب کیا ہو گا
انیس سلطانہ
No comments:
Post a Comment