اک ضرورت ہے جو تحویل تک آ پہنچی ہے
ہر حقیقت یہاں تمثیل تک آ پہنچی ہے
اب اخوت پہ بھروسہ نہیں کرتی دنیا
آگہی نیتِ قابیل تک آ پہنچی ہے
اے مِرے مونس و غمخوار مجھے مرنے دے
بات اب حکم کی تعمیل تک آ پہنچی ہے
اب سخنور ہی نہیں خود کو مصور لکھیے
شاعری اب فنِ تشکیل تک آ پہنچی ہے
کوششِ امن و اماں کیا ہے کہ بس لوگوں کی
زندگی شورشِ تاویل تک آ پہنچی ہے
بے حسی دیکھیے اس دور کے انسانوں کی
جسم کیا روح کی تحلیل تک آ پہنچی ہے
فکر مصداق کے ہمراہ سفر میں رہ کے
چشمِ محبوب بھی کیا جھیل تک آ پہنچی ہے
مصداق اعظمی
No comments:
Post a Comment