کرونا ہے موذی وبا میرے مولا
کرونا سے سب کو بچا میرے مولا
کرونا کو کر دے فنا میرے مولا
نہیں ملتی جس کی دوا میرے مولا
کرونا سے بھی جاں چھڑا میرے مولا
یہی ہے مِری اک دعا میرے مولا
تُو سنتا ہے سب کی صدا رات دن یوں
مِری بھی تو سن لے صدا میرے مولا
محبت سے کتنی بنایا تھا گلشن
اجڑنے سے اس کو بچا میرے مولا
تجھے واسطہ تیری رحمت کا آقاﷺ
تُو ہی ٹال دے یہ وبا میرے مولا
کہاں جائیں گے جانتے کچھ نہیں ہیں
تُو ہی ہے بڑا رہنما میرے مولا
تجھے بھول کے سب سزاوار ہیں ہم
نہ اس کی تُو دے پھر سزا میرے مولا
سوا تیرے در سے کہاں جائیں گے ہم
معافی کا رکھ در کھلا میرے مولا
جو موذی وبا سے ہیں بیمار اب تک
سبھی کو عطا کر شفا میرے مولا
سبھی کی تُو جھولی بھی بھر دے خدایا
تِرے در جو آئے گدا میرے مولا
کرونا بڑی ہے وبا جان لیوا
یہ دنیا سے جلدی بھگا میرے مولا
جو بیمار ہیں اب کرونا سے یا رب
انہیں دے تو جلدی شفا میرے مولا
مقصود احمد شامی
No comments:
Post a Comment