بیٹھے ہیں سبھی یاں پہ تو بےکار وغیرہ

 بیٹھے ہیں سبھی یاں پہ تو بے کار وغیرہ

بس، ہم ہی سنا دیتے ہیں اشعار وغیرہ

غزلیں تو مِری پڑھتے ہی رہتے ہو ہمیشہ

پھر بھی تو نہیں کرتے ہو اظہار وغیرہ

کہتے تھے جو مشکل میں تِرے ساتھ رہیں گے

ہمدرد کہاں ہیں مِرے غم خوار وغیرہ

تم ایسے سمجھتے ہو کہ جنت ہے تمہاری

اور ہم کو سمجھتے ہو گنہ گار وغیرہ

مشکل ہے بہت رہنا یہاں سر کا سلامت

اور سر پہ تمہیں چاہیے دستار وغيره

کرم بزدار