دلِ مضطر کی دوا کیجئے گا
نہ ہو ممکن تو دعا کیجئے گا
بامِ اُلفت سے تو گُل ہی برسیں
تلخئ جاں نہ سوا کیجئے گا
بار جاں کو تو ذرا کم کیجئے
قرض احساں کا ادا کیجئے گا
جاں بلب ہیں جو خزاں میں اشجار
زرد پتوں کی ہوا کیجئے گا
شبِ فرقت کے تقاضے جو ہوں
دل کو دل سے نہ جُدا کیجئے گا
بے نشاں آپ کے دیوانے ہیں
جی سے گزریں تو پتا کیجئے گا
اپنوں میں رات گُزاریں راہی
کل سفر نامِ خدا کیجئے گا
نواب حیدر نقوی راہی
No comments:
Post a Comment