ڈھونڈ کے لائے کوئی کیا بے مثال

عارفانہ کلام حمد نعت منقبت

 ڈھونڈ کے لائے کوئی کیا بے مثال

آپﷺ کا چہرہ ہے چہرہ بے مثال

مصطفیٰﷺ زہراؑ علیؑ حسنینؑ ہیں

پنجتن کا کُل گھرانہ بے مثال

میری آنکھوں میں ہے گریے کی نمی

اور میرے دل کا کعبہ بے مثال

یہ دیا ہم کو ملا ہے ضو فشاں

آپؐ کا اسوہ ہے اسوہ بے مثال

نور والے ہو گئے ہیں راہبر

روشنی والا ہے رستہ بے مثال

وہ جو انعمتَ علیھم ہو گیا

یا نبیؐ ہے تیرا رستہ بے مثال

نُور چشمِ مصطفیٰﷺ نے کر دیا

کربلا کے بن میں سجدہ بے مثال

زلف کس کی ہو گئی واللیل ہے

والضحٰی کس کا ہے چہرہ بے مثال

 رافع بخاری