اے دل ناداں اے دل ناداں

فلمی گیت

اے دلِ ناداں
اے دلِ ناداں
آرزو کیا ہے، جستجو کیا ہے

ہم بھٹکتے ہیں، کیوں بھٹکتے ہیں، دشت و صحرا میں
ایسا لگتا ہے، موج پیاسی ہے، اپنے دریا میں
کیسی الجھن ہے
کیوں یہ الجھن ہے

ایک سایہ سا، روبرو کیا ہے
کیا قیامت ہے
کیا مصیبت ہے
کہہ نہیں سکتے، کس کا ارماں ہے
زندگی جیسے، کھوئی کھوئی ہے
حیراں حیراں ہے
یہ زمیں چُپ ہے
آسماں چُپ ہے
پھر یہ دھڑکن سی، چار سُو کیا ہے
اے دِل ناداں
ایسی راہوں میں، کتنے کانٹے ہیں
آرزوؤں نے، ہر کسی دل کو، درد بانٹے ہیں
کتنے گھائل ہیں
کتنے بسمل ہیں
اس خدائی میں
ایک تُو کیا ہے
اے دلِ ناداں
اے دلِ ناداں

منسوب بر جاں نثار اختر و ندا فاضلی