گھر سجانے کی دیر ہے باقی
مسکرانے کی دیر ہے باقی
میں نے رکھ دی ہیں طاق پر آنکھیں
اس کے آنے کی دیر ہے باقی
یاد رکھوں تو بھُول جاتا ہے
بھُول جانے کی دیر ہے باقی
جانے والا پلٹ ہی آئے گا
شام آنے کی دیر ہے باقی
رکھ دیا ہے جلا کے میں نے دِیا
دل جلانے کی دیر ہے باقی
اپنے سائے سے خوف آتا ہے
دھوپ جانے کی دیر ہے باقی
پھر وہ مانی قریب آئے گا
رُوٹھ جانے کی دیر ہے باقی
ع ن مانی
عمانوئیل نذیر مانی
No comments:
Post a Comment