کیسے بتاؤں دہر میں کیا کیا بدل گیا
امت کا فاطمہؑ سے رویہ بدل گیا
پُرسہ تو دور باپ کا، در بھی جلا دیا
ماحول کیوں مدینے کا اتنا بدل گیا
در فاطمہؑ کا دیکھ کے حیران شہر ہے
سرکارﷺ کیا گئے کہ مدینہ بدل گیا
کیسے ستم یہ ٹوٹے ہیں بنت رسولؐ پر
احوال غیر ہو گئے حلیہ بدل گیا
دیتے نہیں جواب سلام علیؑ کا اب
مردہ ضمیر لوگوں کا لہجہ بدل گیا
دیوار کے سہارے ہی چلتی ہیں سیدہؑ
چلنا رسولﷺ زادی کا کتنا بدل گیا
دیتے نہیں ہیں ساتھ جو کل تک مرید تھے
بعد رسولﷺ پل میں زمانہ بدل گیا
ظہیر الہ آبادی
No comments:
Post a Comment