عارفانہ کلام نعتیہ کلام
ہیں زمین و آسماں اے رحمت اللعالمینﷺ
آپﷺ کے مدحت کناں اے رحمت اللعالمین
نام لوں میں آپؐ کا، گر نطق زم زم سے دُھلے
با وضو ہو لے زباں اے رحمت اللعالمین
ڈر ہو کیوں ہم عاصیوں کو اے شفیع المجتبیٰ
آپﷺ کا دامن اماں اے رحمت اللعالمین
ہے صدائے کُن فکاں میں ذکرِ عالی آپؐ کا
آپﷺ سا کوئی کہاں اے رحمت اللعالمین
جگمگائی کائناتیں آپﷺ ہی کے نور سے
آپِؐ سے روشن جہاں اے رحمت اللعالمین
نقشِ پا ہیں آپﷺ کے، آقاؐ سرِ عرشِ بریں
رہگزر ہے کہکشاں اے رحمت اللعالمین
آپﷺ کو پیدا کیا سارے جہانوں کے لیے
آپؐ کے کون و مکاں اے رحمت اللعالمین
نسرین سید
No comments:
Post a Comment