عارفانہ کلام حمد نعت منقبت
مصطفیٰؐ کے وصف میں تو ہر گھڑی ہر آن سوچ
فکر کی نازک گھڑی ہے فکر کر انسان سوچ
فکرِ حساںؓ، جزبِ سعدی، سوزِ رومی و رضا
یوں بزرگوں کی روش پر نعت کا عنوان سوچ
موسیٰؑ و عیسیٰؑ و آدمؑ، یوسفؑ و نوحؑ و خلیلؑ
سب کے وہؐ حاجت روا ہیں، ایسے ہیں ذی شان سوچ
جہل کے ابو تِری قسمت میں ہی ایماں نہیں
کلمہ کنکریاں پڑھیں پھر کیوں ہے تُو انجان سوچ
انﷺ کا ہمسر کوئی مُرسل بھی نہیں ہے نجدیا
یہ مقامِ مصطفیٰﷺ ہے کچھ تو اے نادان سوچ
مغزِ قرآں باتیں ہیں انﷺ کی روش ایمان ہے
وہؐ تو جانِ ایماں ہیں ہاں ہاں مِرے ایمان سوچ
عشق ہی کے دائرے میں رہ نہ رکھ باہر قدم
مصطفیٰؐ کا عشق ہے کوکب تِری پہچان سوچ
کوکب جیلانی
No comments:
Post a Comment