عارفانہ کلام درود بر ہادئ رحمتﷺ
ہو کر خود اس کے نور کا ناظِر درود پڑھ
ہو کر درِ رسولﷺ پہ حاضر، درود پڑھ
رہ معتکف درود کے ماحولِ قُدس میں
کر اپنے قلب و روح کو طاہر، درود پڑھ
برکت نصیب و خیر فزا ہو تِرا کلام
دائم نبیﷺ کے ہالۂ حفظ و اماں میں رہ
پیہم سکونِ قلب کی خاطر، درود پڑھ
دنیا و قبر و حشر کی ہر راہِ سخت میں
ہو گا ترا یہ حامی و ناصر، درود پڑھ
صلِ علیٰ کے وِرد میں گزرے ہر ایک سانس
کر دل کو اس کے نام کا ذاکر، درود پڑھ
ہشیار باش! سیدِ اذکار ہے یہ ذکر
کر پہلے آنسوؤں سے وضو، پھر درود پڑھ
نور مشاہدات کی موجوں میں غرق رہ
اور دیکھ ماورأ کے مناظر، درود پڑھ
اپنی ہر التجا کو درودں کے پر لگا
ہر اک دعا کے اول و آخر درود پڑھ
بھر نور، اپنے نامۂ اعمال میں ریاضؔ
کر جمع نیکیوں کے ذخائر، درود پڑھ
ریاض مجید
No comments:
Post a Comment