دل تو ہے دل دل کا اعتبار کیا کیجۓ

 فلمی گیت

دل تو ہے دل، دل کا اعتبار کیا کیجے

آ گیا جو کسی پہ پیار کیا کیجے

دل تو ہے دل۔۔۔۔۔۔۔۔۔

یادوں میں تیری کھوئی، راتوں کو میں نہ سوئی

حالت یہ میرے من کی جانے نہ جانے کوئی

برسوں ہیں ترسی آنکھیں، جاگی ہیں پیاسی راتیں

آئی ہیں آتے آتے ہونٹوں پہ دل کی باتیں

پیار میں تیرے دل کا میرے کچھ بھی ہو انجام

بے قراری میں ہے قرار کیا کیجے

آ گیا جو کسی پہ پیار کیا کیجے

چھائے ہیں من پہ میرے، مدہوش نیناں تیرے

گھیرے ہیں تن کو میرے، تیری بانہوں کے گھیرے

دوری سہی نہ جائے، چین کہیں نہ آئے

چلنا ہے اب تو تیری پلکوں کے سائے سائے

بس نہ چلے رے، شام سویرے لے کے تیرا نام

دل دھڑکتا ہے بار بار کیا کیجیے

آ گیا جو کسی پہ پیار کیا کیجے

انجان