عارفانہ کلام حمد نعت منقبت
نعت جن شاعروں کا خاصہ ہے
اُن سے سرکارﷺ خود شناسا ہے
تیری چاہت مجھے بچا لے گی
گو مقدر مِرا بُرا سا ہے
اک مسلسل سفر تِری جانب
زندگی کا یہی خلاصہ ہے
ڈھونڈ لیتی ہیں نعمتیں اُس کو
جو بھی تیرے کرم کا پیاسا ہے
تیری بخشش حضورﷺ کے ذمہ
دل مجھے دے رہا دلاسہ ہے
کیوں نہ ہوتا حسینؑ دین پناہ
وہ بھی آخر تِراﷺ نواسہ ہے
یا نبیﷺ کیجیے نگاہِ کرم
سلسلہ لُطف کا رُکا سا ہے
مجھ کو ذیشان حشر کا کیا غم
نعت گوئی مِرا اثاثہ ہے
ذیشان مہدی
No comments:
Post a Comment