تصویر تیری دل میرا بہلا نہ سکے گی

فلمی گیت

تصویر تیری دل میرا بہلا نہ سکے گی 

یہ تیری طرح مجھ سے تو شرما نہ سکے گی

تصویر تیری دل میرا ۔۔۔۔۔

میں بات کروں گا تو یہ خاموش رہے گی

سینے سے لگا لوں گا تو یہ کچھ نہ کہے گی

آرام وہ کیا دے گی، جو تڑپا نہ سکے گی

تصویر تیری دل میرا ۔۔۔۔۔

یہ آنکھیں ہیں ٹھہری ہوئیں چنچل وہ نگاہیں

یہ ہاتھ ہیں سہمے ہوۓ اور مست وہ بانہیں

پرچھائیں تو انسان کے کام آ نہ سکے گی

تصویر تیری دل میرا ۔۔۔۔۔

ان ہونٹوں کو فیاض میں کچھ دے نہ سکوں گا

اس زلف کو میں ہاتھ میں بھی لے نہ سکوں گا

الجھی ہوئی راتوں کو یہ سلجھا نہ سکے گی

تصویر تیری دل میرا ۔۔۔۔۔

فیاض ہاشمی