ابھی بادلوں کا سفر کہاں مِرے مہرباں
ابھی قید ہوں سرِ آشیاں مرے مہرباں
رہے فاصلے مِری دسترس میں تمام دن
مگر اب تو شام کا ہے سماں مرے مہرباں
سبھی پُرسشِ غمِ جاں کے واسطے آئے تھے
مرے چارہ گر مرے نوحہ خواں مرے مہرباں
وہی لفظ ہیں در بے بہا مرے واسطے
جنہیں چھو گئی ہو تری زباں مرے مہرباں
سبھی مرحلے رہِ شوق کے تھے نگاہ میں
مرے حوصلے رہے ناتواں مرے مہرباں
کبھی گردش شب و روز سے نہ اماں ملی
مرے سر پہ کب نہ تھا آسماں مرے مہرباں
بشریٰ ہاشمی
No comments:
Post a Comment