سب سے اونچی اڑان ہے میری

 سب سے اونچی اڑان ہے میری

ہر پرندے میں جان ہے میری

آسماں سے گِرا سمندر میں

آگے منزل گمان ہے میری

ایک دنیا کو رشک ہے مجھ پر

ساری دنیا ہی شان ہے میری

مِری دنیا کو رشک ہے تجھ پر

تیری دنیا سے شان ہے میری

میں پرندوں کا پیڑ ہوتا تھا

سب سے میٹھی زبان ہے میری

جوق در جوق آ رہے ہیں لوگ

سب سے اونچی اذان ہے میری

نفرتیں آگ میں جلانی ہیں

راگ دیپک کی تان ہے میری

گھر ہواؤں میں اب بناؤں گا

اک تخیّل چٹان ہے میری

سرفراز تبسم