دنیا چمک گئی ہے محمد کے نور سے

عارفانہ کلام نعتیہ کلام

دنیا چمک گئی ہے محمدﷺ کے نور سے

ہر سمت روشنی ہے محمدﷺ کے نور سے

دل میں بسالیا ہے انھیں میں نے اے ندیم

حسرت میں تازگی ہے محمدﷺ کے نور سے

اس دل کی تیرگی کبھی مٹ پائے گی کہاں

جو دل کہ اجنبی ہے محمدﷺ کے نور سے

کامل یقیں ہے اور ہے ایمان بھی یہی

روشن یہ زندگی ہے محمدﷺ کے نور سے

دنیا کو مل گئی رخِ روشن سے روشنی

خائف بہت بدی ہے محمدﷺ کے نور سے

وہ مال و زر کی کرتا نہیں ہے کبھی ہوس

جس کا بھی دل غنی ہے محمدﷺ کے نور سے

اب تیرگی کا خوف ستاتی نہیں ہمیں

جو رہبری ملی ہے محمدﷺ کے نور سے

طیبہ نگر میں جاکے کبھی دیکھئے عظیم

روشن گلی گلی ہے محمدﷺ کے نور سے

عظیم انصاری