دل کو جو شہر کا بازار بنا لیتے ہیں
اپنے ہی گِرد وہ دیوار بنا لیتے ہیں
اس کی جب یاد ستاتی ہے تو پھر کاغذ پر
اپنے ہم باپ کی دستار بنا لیتے ہیں
جب کبھی فہم بغاوت پہ اتر آتا ہے
میر کے شعر کو معیار بنا لیتے ہیں
مجھ کو یکطرفہ غلامی سے بہت نفرت ہے
پر، محبت! تجھے مختار بنا لیتے ہیں
اس پری وش کا بدن شعر میں شامل کر کے
سوچتے رہتے ہیں، اشعار بنا لیتے ہیں
یاد جب آتا ہے یونس! کبھی ماضی اپنا
گھر میں ہی غار کے آثار بنا لیتے ہیں
یونس امین
No comments:
Post a Comment