عارفانہ کلام حمد نعت منقبت
میں مدینے سے جب آیا واپس
بس مِرا سایہ ہی لوٹا واپس
اپنے آقاﷺ پہ جاں لُٹائے بغیر
کیسے آ سکتا ہے بندہ واپس
انؐ کی مسجد میں مراقب جو ہوا
آ گیا انﷺ کا زمانہ واپس
بس یہ بازارِ مدینہ کی ہے رِیت
کھوٹا کرتے نہیں سِکہ واپس
دوسری بار کرم کرتے ہوئے
مانگتے کب ہیں وہ پہلا واپس
اپنے قدموں میں پڑا رہنے دیں
مجھ کو لوٹائیں نہ آقاﷺ واپس
اک جھلک نازشِ ناکارہ کو
خالی جائے گا نہ منگتا واپس
حنیف نازش قادری
No comments:
Post a Comment