عارفانہ کلام حمد نعت منقبت
فیض انؐ کے عام ہو گئے
دو جہاں غلام ہو گئے
انؐ کے جو غلام ہو گئے
وقت کے امام ہو گئے
نام لیوا انؐ کے جو ہوئے
انؐ کے اونچے نام ہو گئے
واسطہ دیا جو آپﷺ کا
میرے سارے کام ہو گئے
فرش سے وہ جا کے عرش پر
رب سے ہمکلام ہو گئے
جب بلایا آقاﷺ نے
خود ہی انتظام ہو گئے
مصطفٰےؐ کی شان دیکھ کر
بادشاہ غلام ہو گئے
مقتدی ہیں سارے انبیاء
مصطفٰےؐ امام ہو گئے
مدح خواں ہیں آپؐ کے خواص
نعت خواں عوام ہو گئے
صف بہ صف کھڑے ہیں سب شہید
اور حسینؑ امام ہو گئے
وقفِ نعت خوانی اے ریاض
میرے صبح و شام ہو گئے
ریاض الدین سہروردی
No comments:
Post a Comment