ذکر احمد نہ ہو بندگی کچھ نہیں

 عارفانہ کلام حمد نعت منقبت

ذکرِ احمدﷺ نہ ہو بندگی کچھ نہیں

جز محبت نبیﷺ دائمی کچھ نہیں

مل گئی دولتِ شاہ دیں دیکھئے

زندگی میں مری اب کمی کچھ نہیں

الفت احمد مصطفیٰﷺ کے سوا

مانگا ہم نے خدا سے کبھی کچھ نہیں

مل گئی شاہ دیںﷺ کی غلامی مجھے

روز محشر کی اب بے کلی کچھ نہیں

دل تریﷺ یاد میں گر نہیں مبتلا

زندگی میں مِری چاشنی کچھ نہیں

رو برو روئے احمدﷺ کے سب ہیچ ہے

پھول شبنم گھٹا روشنی کچھ نہیں

سامنے نور آقاﷺ کے دلکش میاں

چاند سورج کی یہ روشنی کچھ نہیں

مصطفیٰ دلکش