تذکرہ آپ کا گفتگو آپ کی

 عارفانہ کلام حمد نعت منقبت

تذکرہ آپﷺ کا گفتگو آپﷺ کی

زندگی بن گئی آرزو آپﷺ کی

جتنی سیرت نظر سے گُزرتی گئی

اور بڑھتی گئی جُستجو آپﷺ کی

آپ ہر دو جہاں پر ہیں چھائے ہوئے

حُسن مہتاب میں، گُل میں بُو آپﷺ کی

جب سے مانُوسِ جلوہ نظر ہو گئی

دیکھتا ہوں ضیاء چا سُو آپﷺ کی

نُورِ ایماں سے دل اس کا روشن ہُوا

جس نے دل سے سُنی گُفتگو آپﷺ کی

صاف ظاہر ہے یہ ذکرِ معراج سے

خُود خُدا کو بھی ہے آرزو آپﷺ کی

لب پہ ہر دم مِرے ذکر ہے آپﷺ کا

دل کو ہر دم فدا جُستجو آپﷺ کی

فدا خالدی دہلوی