عارفانہ کلام حمد نعت منقبت
کہا رب نے مرے بندے کبھی مایوس مت ہونا
کبھی مت کر گلے شکوے کبھی مایوس مت ہونا
یقیناً رات ہوتی ہے تو ہوتا ہے سویرا بھی
بنیں گے کام سب بگڑے کبھی مایوس مت ہونا
نا امیدی نہیں اچھی، یہ مایوسی نہیں اچھی
لگیں گے کفر کے فتوے کبھی مایوس مت ہونا
گزرجائیں گے یہ بھی دن چلے آئیں گے اچھے دن
دکھائے گا خدا جلوے کبھی مایوس مت ہونا
بلائیں آتی رہتی ہیں وبائیں آتی رہتی ہیں
عمل کرتے رہو اچھے کبھی مایوس مت ہونا
پکڑ لیتا ہے مضبوطی سے جو اللہ کی رسی
اسے قرآن یہ بولے کبھی مایوس مت ہونا
نبیﷺ آلؑ نبی کا تھام لے دامن علی پیارے
کہا مرشد نے تو سن لے کبھی مایوس مت ہونا
محمد علی نعیمی
No comments:
Post a Comment