عارفانہ کلام حمد نعت منقبت
آپ کی نعت بڑی بات مدینے والےﷺ
میری کچھ بھی نہیں اوقات مدینے والے
پنجتن پاک کے صدقات مدینے والے
ڈال دو جھولی میں خیرات مدینے والے
ہو مکمل مری ہر نعت مدینے والے
دے دو حسان کی سوغات مدینے والے
نعت پڑھتا ہوں میں سرکار پکڑ کر جالی
ہیں تصور میں یہ لمحات مدینے والے
امن و اسلام کے دشمن کا صفایا کرنے
دو حسینی ہمیں جذبات مدینے والے
قبر میں حشر کے میدان میں ہر مومن کی
آپ سے ہو گی ملاقات مدینے والے
جا سکا میں نہ مدینہ تو کوئی بات نہیں
جانتے ہیں علی حالات مدینے والے
محمد علی نعیمی
No comments:
Post a Comment