آقا کی اطاعت ہی اطاعت ہے خدا کی

 عارفانہ کلام حمد نعت منقبت

آقاﷺ کی اطاعت ہی اطاعت ہے خُدا کی

کیا نعمت عُظمیٰ مِرے خالق نے عطا کی

بھٹکے ہوئے لوگوں کو صحیح راہ دکھا دے

ہر وقت خُدا سے مِرے آقاﷺ نے دُعا کی

سرخروئی ہے دُنیا میں اور عُقبیٰ میں اُسی کی

ناموسِ محمدﷺ پر جاں جس نے فدا کی

مولیٰ کی کرامات پر سب رہ گئے ششدر

دو لخت ہُوا چاند جب طاعت میں خُدا کی

بُو جہل سے واقف ہے جو ہر صاحبِ ایماں

مردُود وہ ضد میں ہی رہا اپنی انا کی

اس شان کا کونین میں کوئی بھی نہیں ہے

وہ ذات ہے حیدر مِرے محبوبِؐ خدا کی

ذوالفقار حیدر پرواز