جدھر دیکھو جمال مصطفیٰ کی ضوفشانی ہے

 عارفانہ کلام حمد نعت منقبت

جدھر دیکھو جمال مصطفیٰﷺ کی ضوفشانی ہے

جہاں دیکھو یتیمِﷺ آمنہ کی نعت خوانی ہے

خلوصِ دل ہی کام آتا ہے دربارِ رسالتﷺ میں

جو آنسو تھا وہ موتی ہے، جو پانی تھا وہ پانی ہے

تمہاری سیرتوں میں ہے کوئی رنگ ان کی سیرت کا

تمہارے پاس کیا عشقِ محمدﷺ کی نشانی ہے

محمدﷺ سے محبت کی گواہی دے عمل جس کا

اسی کی نعت خوانی در حقیقت نعت خوانی ہے

منظم کارواں بن کر چلے امت محمدﷺ کی

تیرا ٹکڑوں میں بٹ جانا نشانِ بے نشانی ہے

اطاعت بھی ضروری ہے شہِؐ خوباں کے اے زاہد

یہ دعوٰئ محبت ہے اطاعت خوش گمانی ہے

شہناز عفت