عارفانہ کلام حمد نعت منقبت
سُخن کے باب میں مدح و ثنا ضروری ہے
حسین ماتھے پہ جھُومر سجا ضروری ہے
نماز کامل و اکمل درودِ پاکﷺ سے ہے
دُعا کے پر کو بھی صلیِ علیٰ ضروری ہے
مری زبان میں لکنت ہے یا رسول اللہﷺ
بیانِ شوق کو تیری رضا ضروری ہے
بروزِ حشر یہ مژدہ سنایا جائے گا
خراب حالوں پہ لطفِ نگہ ضروری ہے
خدا کے ساتھ فرشتے بھی جس میں شامل ہیں
اُسی درودﷺ کا یاں سلسلہ ضروری ہے
نبیﷺ کی نعت، عقیدت کی بات ہے آذر
وگرنہ الضحیٰ کے بعد کیا ضروری ہے
فہیم الرحمٰن آذر
No comments:
Post a Comment