صورتِ حال سے گھبرائی ہوئی لڑکی ہوں
میں ترےعشق سے شرمائی ہوئی لڑکی ہوں
نیند نے بھی مجھے ملبوس سمجھ رکھا ہے
سو کسی خواب کو پہنائی ہوئی لڑکی ہوں
ہجر نے چھین لی چہرے سے مرے رعنائی
درد کی شاخ پہ کملائی ہوئی لڑکی ہوں
میرا آنسو سے تقابل کیا جائے فی الحال
میں کسی آنکھ میں بھر آئی ہوئی لڑکی ہوں
میرا زِندان ہے معمول کے قیدی سے الگ
اپنے ہی جسم میں ٹھہرائی ہوئی لڑکی ہوں
میں نے دانستہ محبت کی پذیرائی کی
تم سمجھتے ہو کہ بہکائی ہوئی لڑکی ہوں
گل حوریہ
No comments:
Post a Comment