مجھے جب محبت ہوتی ہے تو لگتا ہے

 مجھے جب محبت ہوتی ہے

عرب شاعری سے اردو ترجمہ

مجھے جب محبت ہوتی ہے

تو لگتا ہے میں وقت کا شہنشاہ بن گیا ہوں

زمین اور جو کچھ بھی اس میں ہے

میری ملکیت بن چکا ہے

اور میں گھوڑے پر سوار سورج کی سیر کو نکل کھڑا ہوتا ہوں

مجھے جب محبت ہوتی ہے

تو میں بہتی ہوئی روشنی میں ڈھل جاتا ہوں

کہ نظر جسے دیکھ نہ سکتی ہو

اور میری ڈائریوں میں لکھی نظمیں

ببول اور پوست کے کھیت بن جاتی ہیں

مجھے جب محبت ہوتی ہے

پانی میری انگلیوں سے پھُدک کر بہہ نکلتا ہے

گھاس میری زبان پر اُگنے لگتی ہے

جب میں محبت کرتا ہوں

میں اس سبھی وقت سے باہر کا کوئی وقت بن جاتا ہوں

نزار قبانی

اردو ترجمہ: منو بھائی